लाडकी बहिण योजना (Ladki Bahin Yojana) ही नेहमीच कोणत्या ना कोणत्या कारणाने चर्चेत राहिली आहे. आता या योजनेबद्दल एक मोठी बातमी समोर आली आहे. योजनेच्या पडताळणीमध्ये तब्बल ४२ लाख महिलांचे अर्ज रद्द करण्यात आले आहेत. या महिलांना आता यापुढे योजनेचा लाभ मिळणार नाही.
हे अर्ज का रद्द झाले, याची काही प्रमुख कारणे समोर आली आहेत. या महिलांनी योजनेसाठी ठरवलेले निकष पूर्ण केले नव्हते, तरीही त्यांनी अर्ज केले होते. त्यामुळे पडताळणीत असे अर्ज रद्द करण्यात आले आहेत.
लाडकी बहिण योजना अर्ज रद्द होण्याची मुख्य कारणे:
- उत्पन्नाची मर्यादा: या योजनेचा लाभ घेण्यासाठी कुटुंबाचे वार्षिक उत्पन्न २.५ लाखांपेक्षा कमी असणे आवश्यक आहे. पण अनेक महिलांनी उत्पन्नाची खोटी माहिती देऊन अर्ज केले होते. पडताळणीत त्यांचे उत्पन्न जास्त असल्याचे आढळल्याने त्यांचे अर्ज रद्द करण्यात आले.
- सरकारी कर्मचारी: जवळपास ९,५०० सरकारी कर्मचारी महिलांनी या योजनेचा लाभ घेतला होता. सरकारी कर्मचाऱ्यांना या योजनेचा लाभ मिळत नाही, त्यामुळे त्यांचे अर्ज बाद करण्यात आले आहेत.
- चार चाकी वाहन: ज्या कुटुंबांकडे चार चाकी वाहन आहे, त्यांनाही या योजनेचा लाभ घेता येत नाही. पण अशा अनेक महिलांनी अर्ज केले होते, जे पडताळणीत वगळण्यात आले आहेत.
तुम्ही जर या योजनेच्या निकषांमध्ये बसत नसाल आणि तरीही अर्ज केला असेल, तर तुमचे नावही यादीतून वगळले जाण्याची शक्यता आहे. जर तुम्हाला पुढच्या महिन्यात योजनेचे पैसे मिळाले नाहीत, तर तुमचा अर्ज बाद झाला असण्याची शक्यता आहे. त्यामुळे, योजनेच्या निकषांचे पालन करणे खूप महत्त्वाचे आहे.
