मुख्यमंत्री योजनादूत कार्यक्रम संपूर्ण माहिती निवड प्रक्रिया कामाचे स्वरूप आणि मानधन

   या योजनेबाबतचे सर्व जबाबदारी माहिती व जनसंपर्क महासंचालनाय यांच्यावर सोपविण्यात आली आहे. या योजनेअंतर्गत जे मानधन दिले जाणार आहे ते कौशल्य, रोजगार, उद्योजकता व नाविन्यता विभागाकडून देण्यात येणार आहे. मुख्यमंत्री योजना दूत कार्यक्रमास सुरुवात 2024 25 या आर्थिक वर्षापासून मान्यता देण्यात आलेली आहे. या योजना दुतांच्या निवडीचे निकष, अटी व शर्ती तयार करण्याबाबतची कारवाई व माहिती जनसंपर्क महासंचालनालयाकडून करण्यात येणार आहे. महाराष्ट्र शासनाच्या विविध योजनाची प्रचार, प्रसिद्ध करणे व त्यांच्या जास्तीत जास्त व्यक्तींना लाभ मिळवण्याच्या दृष्टीने त्यांना सहाय्य करण्यासाठी 50 हजार योजनादूत निवडण्यासाठी मान्यता देण्यात आलेली आहे.

   तसेच मुख्यमंत्री योजनादूत हा कार्यक्रम महाराष्ट्र शासनाच्या माहिती व जनसंपर्क महासंचालनालय आणि मुख्यमंत्री जनकल्याण कक्ष यांच्यामार्फत संयुक्तपणे राबविण्यात येणार आहे. मुख्यमंत्री योजना दूत हे प्रशासकीय यंत्रणेला मदत करण्यासाठी नेमले जाणार आहेत. ग्रामीण भागात प्रत्येक ग्रामपंचायतीसाठी एक, शहरी भागात पाच हजार लोकसंख्येसाठी एक योजना दूत या प्रमाणात एकूण पन्नास हजार योजनांदुताची निवड केली जाणार आहे.