Ladki Bahin Yojana : मुख्यमंत्री माझी लाडकी बहीण योजनेत अलीकडे मोठ्या प्रमाणात नावे वगळण्यात आली आहेत. ई-केवायसी पूर्ण न करणे, उत्पन्न मर्यादा ओलांडणे, वयोमर्यादा किंवा इतर निकषांमुळे लाखो महिलांची नावे लाभार्थी यादीतून काढून टाकण्यात आली. त्यामुळे अनेक लाडक्या बहिणींना प्रश्न पडलाय – माझं नाव अजून यादीत आहे की नाही? आणि हप्ता मिळणार की बंद झाला?
नावं वगळल्याची बातमी ऐकून घाबरण्याची गरज नाही. घरबसल्या फक्त ५ मिनिटांत तुम्ही स्वतःची स्थिती तपासू शकता. खालील सोप्या पद्धतीने तपासणी करा.
ऑनलाइन तपासणी कशी कराल? (स्टेप-बाय-स्टेप)
- अधिकृत वेबसाइट उघडा
मोबाईल किंवा संगणकावर ladakibahin.maharashtra.gov.in हा अधिकृत पत्ता टाइप करा. - लॉगिन करा
होमपेजवर “अर्जदार लॉगिन” किंवा Applicant Login वर क्लिक करा.
तुमचा नोंदणीकृत मोबाईल नंबर टाका. OTP येईल तो भरा. (पासवर्ड असल्यास तोही वापरा.) - स्थिती तपासा
लॉगिन झाल्यानंतर “यापूर्वी केलेले अर्ज” किंवा Beneficiary Status / Application Status या पर्यायावर जा.
तिथे तुमच्या अर्जाची सध्याची स्थिती दिसेल – Approved, On Hold, Rejected, Ineligible किंवा e-KYC Pending असे काहीतरी लिहिलेले असेल. - ई-केवायसी स्टेटसही पाहा
त्याच डॅशबोर्डवर e-KYC पूर्ण झाली आहे की नाही हे स्पष्ट दिसेल. अपूर्ण असल्यास पुढील हप्ते थांबलेले असू शकतात.
ही संपूर्ण प्रक्रिया ३ ते ५ मिनिटांत पूर्ण होते. इंटरनेट कनेक्शन चांगले ठेवा आणि आधारशी लिंक असलेला मोबाईल नंबर वापरा.
नाव वगळलंय तर काय कराल?
- पात्र असूनही नाव काढलं गेलं असेल तर घाबरू नका. जवळच्या अंगणवाडी सेविका, सेतू केंद्र, महिला व बालविकास कार्यालय किंवा तालुका कार्यालयात जा. आधार कार्ड, बँक पासबुक आणि अर्ज क्रमांक घेऊन तक्रार नोंदवा.
- हेल्पलाइन १८१ वर कॉल करा आणि तुमची समस्या सांगा.
- जर उत्पन्न, वय किंवा इतर निकषांमुळे अपात्र ठरलं असेल तर नियमानुसार लाभ बंद होतो. पण तांत्रिक चुका असल्यास पुन्हा तपासणी होऊ शकते.
महत्वाच्या गोष्टी लक्षात ठेवा
- बँक खाते आधारशी लिंक (NPCI seeded) असावे, नाहीतर पैसे जमा होत नाहीत.
- दरवर्षी ई-केवायसी प्रक्रिया अनिवार्य आहे. पुढची विंडो उघडल्यावर लगेच पूर्ण करा.
- फक्त अधिकृत वेबसाइट किंवा नारी शक्ती दूत अॅप वापरा. इतर वेबसाइट्सवरून माहिती देऊ नका किंवा पैसे मागणारे फसवे कॉल येऊ नयेत याची काळजी घ्या.
