बाजारात कांदा आणि लसणाचा तुटवडा
onion market सध्या बाजारात कांदा आणि लसणाचा तुटवडा जाणवत आहे. त्यामुळे कांदा प्रति किलो ८० रुपये तर लसूण ४०० रुपये प्रति किलो दराने विक्री होत आहे. कृषी उत्पन्न बाजार समित्यांमध्ये कमी आवक झाल्यामुळे हा तुटवडा निर्माण झाला आहे. पुढील महिनाभर कांदा आणि तीन-चार महिने लसणाचे दर असेच चढे राहतील, असा अंदाज व्यक्त करण्यात आला आहे.
onion market दिवाळीनंतर कांद्याची कमी आवक
दिवाळीच्या सणामुळे नाशिक भागात कांद्याची खरेदी-विक्री काही काळ बंद होती, यामुळे बाजारात तुटवडा जाणवू लागला. शेतकऱ्यांकडील जुना उन्हाळी कांद्याचा साठा आता जवळपास संपला आहे. किरकोळ प्रमाणात फक्त दोन ते पाच टक्के उन्हाळी कांदा शिल्लक आहे. यामुळे कांदा या पिकातील दर हे उंचावलेले आहे आणि खरीप हंगामातील कांदा या पिकाची काढणी सुरू असताना पावसामुळे उत्पादनात घट झाली आहे. त्यामुळे बाजारात कांद्याचे दर वाढलेले दिसत आहेत.
हे वाचा: शेतकऱ्यांसाठी महाडीबीटी अंतर्गत 100% अनुदानावर मोफत फवारणी पंप.
बांगलादेशाला निर्यात आणि त्याचा परिणाम
बांगलादेशाने कांद्यावरील आयात शुल्क कमी करून ५० टक्क्यांवरून शून्य टक्के केले आहे, त्यामुळे बांगलादेशाला कांद्याची निर्यात वाढली आहे. याचा परिणाम म्हणून भारतात, विशेषतः पुणे, मुंबई आणि दिल्लीत, कांद्याचे दर ८० रुपये किलोपर्यंत वाढले आहेत. नुकतेच काढलेला खरीप कांदा पाण्याचे प्रमाण जास्त असल्याने तो ६० रुपये किलो दराने विक्री होत आहे.
लसणाच्या दरातील वाढ
onion market सध्या किरकोळ बाजारात लसूण ४०० ते ४५० रुपये किलोपर्यंत विकला जात आहे. लसणाचा हंगाम शेवटच्या टप्प्यात आहे, आणि त्याची रब्बी हंगामात लागवड केली जाते. गुजरात, मध्य प्रदेश, उत्तर प्रदेश आणि महाराष्ट्रात लसणाचे उत्पादन होत असते. फेब्रुवारीपासून नवीन लसणाची आवक सुरू होईल, त्यामुळे पुढील तीन-चार महिने लसणाचे दर तेजीत राहण्याची शक्यता आहे.
राज्याबाहेरील आवक कमी
बाजारात राज्याबाहेरून होणारी कांदा आणि लसणाची आवकही कमी झाल्याने तुटवडा निर्माण झाला आहे. शेतकऱ्यांकडील जुना साठा जवळपास संपला आहे, तर खरीप हंगामातील कांद्याची आवक हळूहळू सुरू झाली आहे. लसणाची नवीन लागवड सुरू झाली असली तरी त्याचा फायदा बाजारात फेब्रुवारीनंतर मिळू शकेल.
नवीन हंगामाची वाट
खरीप हंगामातील कांदा आणि रब्बी हंगामातील लसणाची पूर्ण आवक होईपर्यंत, बाजारात दरवाढ कायम राहील असे व्यापाऱ्यांचे मत आहे. त्यामुळे ग्राहकांनी पुढील काही महिन्यांसाठी वाढीव दरांसाठी तयार राहावे.
