लाडकी बहीण योजना ; राज्यातील एक महत्त्वाची योजना आहे. निवडणुकांच्या पार्श्वभूमीवर या योजनेत बदल करण्यात आले असून, लाभार्थ्यांना अधिक रक्कम देण्याची घोषणा करण्यात आली आहे. याअंतर्गत, आधीच्या 1500 रुपयांच्या ऐवजी आता 2100 रुपये किंवा 3000 रुपये देण्याचे आश्वासन देण्यात आले आहे. पण मात्र, यासोबतच काही लाभार्थी महिलांना लाभ मिळवताना अडचणी येण्याची शक्यता आहे.
लाडकी बहीण योजना नवीन आर्थिक लाभ
लाडकी बहीण योजनेत लाभार्थ्यांना दिल्या जाणाऱ्या रकमेची वाढ करण्यात येईल अशी घोषणा सर्वच राजकीय पक्षाकडून करण्यात आली आहे. पूर्वीच्या सरकार ने या योजनेत लाभार्थ्यांना 1500 रुपये दिले जात होते. आता ही रक्कम वाढवून 2100 रुपये किंवा 3000 रुपये करण्याचा आश्वासन देण्यात आले. अशी चर्चा निवडणुका सुरू झाल्यापासून मोठ्या प्रमाणात होत आहे त्यामुळे लाभार्थ्यांना अधिक आर्थिक सहाय्य मिळणार आहे, ज्यामुळे त्यांना आर्थिक स्थैर्य प्राप्त होण्यास मदत होईल.
हे वाचा : सुरू करायचे असेल तर, जाणून घ्या संपूर्ण माहिती.
लाडकी बहीण योजना लाभार्थ्यांवर इतर शासकीय योजनांचे प्रभाव
सरकारने लाडकी बहीण योजनेच्या अर्ज प्रक्रियेत नवीन नियम लागू केले आहेत. यानुसार, लाभार्थी महिलानी इतर शासकीय योजनांचा लाभ घेतला असेल तर त्याची माहिती विचारण्यात येत आहे. विशेषतः, जर लाभार्थीने अशा कोणत्याही योजनेचा लाभ घेतला असेल ज्याची रक्कम 1500 रुपयांपेक्षा कमी असेल, तर त्यांना लाडकी बहीण योजनेचा पूर्ण लाभ मिळण्याऐवजी उर्वरित रक्कम देण्यात येईल किंवा लाडकी बहीण योजनेचा लाभ दिला जाईल..
लाडकी बहीण योजना डीबीटी प्रणालीद्वारे लाभांचे वितरण
लाडकी बहीण योजनेचा लाभ देताना डीबीटी (डायरेक्ट बेनिफिट ट्रान्सफर) प्रणालीचा वापर केला जात आहे, ज्यामध्ये लाभार्थ्यांच्या आधार नंबरचा वापर करून लाभ थेट बँक खात्यात जमा होतो. यामुळे लाभार्थ्यांना त्यांच्या आधार क्रमांकाच्या आधारे लाभाची तपशीलवार नोंद ठेवता येते. परंतु, जर लाभार्थ्याने इतर कोणत्याही योजनेसाठी आधार वापरला असेल, तर त्याचे प्रतिबिंब योजनेच्या लाभात दिसू शकते, ज्यामुळे लाभ मिळण्यात अडचणी येऊ शकतात.
लाडकी बहीण योजना लाभार्थ्यांची प्रोफाइल नोंदणी आणि अर्जाची स्थिती तपासण्याची प्रक्रिया
लाडकी बहीण योजनेत नोंदणी करण्याची प्रक्रिया अगदी सोपी आहे. लाभार्थ्यांना आपल्या मोबाइल नंबरचा वापर करून लॉगिन करावे लागते. नोंदणी प्रक्रिया पूर्ण केल्यानंतर पासवर्डच्या साहाय्याने पोर्टलवर लॉगिन करता येते. त्या नंतर या पोर्टलवर https://ladakibahin.maharashtra.gov.in/ अर्जाची स्थिती ,लाभाची माहिती आणि योजनेतील इतर तपशील तपासता येतात जिथे अर्जाची स्थिती ‘अप्रूव्ह्ड’ किंवा ‘नो’ म्हणून दर्शवली जाते. या सुविधेमुळे लाभार्थ्यांना त्यांच्या अर्जाची स्थिती सोप्या पद्धतीने तपासता येते.
लाडकी बहीण योजना इतर योजनांचा लाभ घेतलेल्या लाभार्थ्यांसाठी सूचना
ज्या लाभार्थ्यांनी इतर शासकीय योजनांचा लाभ घेतला आहे, त्यांना लाडकी बहीण योजनेच्या पोर्टलवर त्यांच्या प्रोफाइलमध्ये याची नोंद दिसेल. उदाहरणार्थ, संजय गांधी निराधार योजना किंवा अन्य पेंशन योजनांचा लाभ घेत असलेल्या लाभार्थ्यांना लाडकी बहीण योजनेचा लाभ मिळण्यात अडचणी येऊ शकतात. त्यामुळे, लाभार्थ्यांनी त्यांच्या प्रोफाइलमधील माहिती नियमितपणे तपासावी.
लाडकी बहीण योजना अंतर्गत शासनाचे पुढील पाऊल
सरकारकडून इतर शासकीय योजनांचा लाभ घेत असलेल्या लाभार्थ्यांना लाडकी बहीण योजनेचा लाभ दिला जाणार नाही. सरकार आता या योजनेचा लाभ कसा वितरित करायचा आणि इतर शासकीय योजनांचा लाभ घेतलेल्या लाभार्थ्यांवर काय निर्णय घेणार हे पाहणे महत्त्वाचे ठरणार आहे.
