Ladki Bahin Yojana : विधानसभा निवडणुकीपूर्वी अत्यंत लोकप्रिय ठरलेल्या ‘लाडकी बहीण’ योजनेमध्ये (Ladki Bahin Yojana) राज्य सरकारने बोगस लाभार्थी शोधण्यासाठी आता कठोर पाऊल उचलले आहे. योजनेचा वाढता आर्थिक बोजा आणि कठोर निकषांची अंमलबजावणी करण्यासाठी आता सरकारने आणखी एक महत्त्वपूर्ण नियम लागू केला आहे. या नव्या नियमानुसार, लाभार्थी महिलेसोबतच तिच्या पतीचे किंवा वडिलांचे ई-केवायसी (e-KYC) करणे बंधनकारक करण्यात आले आहे.
या नियमामुळे योजनेतील पात्र महिलांची संख्या मोठ्या प्रमाणात घटण्याची शक्यता आहे.Ladki Bahin Yojana
उत्पन्नाची कसून पडताळणी होणार
लाडकी बहीण योजनेची मुख्य अट म्हणजे कुटुंबाचे वार्षिक उत्पन्न अडीच लाख रुपयांपेक्षा (₹२.५० लाख) जास्त नसावे. या निकषाची कठोरपणे अंमलबजावणी करण्यासाठीच हा नवा नियम आणला गेला आहे.
- विवाहित महिलांसाठी: महिलेच्या स्वतःच्या उत्पन्नासह पतीचे वार्षिक उत्पन्न विचारात घेतले जाईल.
- अविवाहित महिलांसाठी: महिलेच्या स्वतःच्या उत्पन्नासह वडिलांचे वार्षिक उत्पन्न विचारात घेतले जाईल.
या दोघांचे उत्पन्न मिळून जर अडीच लाख रुपयांपेक्षा अधिक असेल, तर संबंधित महिलेला लाडकी बहीण योजनेसाठी अपात्र ठरवले जाईल. याआधी केवळ लाभार्थी महिलेचे उत्पन्न तपासले गेले होते, ज्यात अनेक गृहिणी आणि कमी उत्पन्न असलेल्या महिला पात्र ठरल्या होत्या. मात्र, आता कुटुंबाचे एकूण उत्पन्न तपासण्यासाठी पती किंवा वडिलांचे ई-केवायसी अनिवार्य करण्यात आले आहे.Ladki Bahin Yojana
ई-केवायसी प्रक्रिया कशी पूर्ण कराल?
योजनेचा लाभ सुरू ठेवण्यासाठी लाभार्थी महिलांना तातडीने ई-केवायसी पूर्ण करावे लागेल. यासाठी खालील प्रक्रिया वापरा:
१. संकेतस्थळाला भेट द्या: ‘मुख्यमंत्री-माझी लाडकी बहीण योजनेच्या’ e-KYC साठी https://ladakibahin.maharashtra.gov.in या अधिकृत वेबसाइटला भेट द्या.
२. ई-केवायसी फॉर्म उघडा: मुखपृष्ठावर असलेल्या e-KYC बॅनरवर क्लिक करा.
३. लाभार्थीचे आधार प्रमाणीकरण: फॉर्ममध्ये तुमचा आधार क्रमांक (Aadhaar Number) आणि पडताळणी संकेतांक (Captcha Code) नमूद करा. आधार प्रमाणीकरणासाठी संमती देऊन ‘Send OTP’ बटणावर क्लिक करा. आधारशी लिंक असलेल्या मोबाईलवर आलेला OTP टाकून ‘Submit’ करा.
४. पात्रता तपासा: यानंतर प्रणाली तपासणी करेल की तुमची e-KYC आधीच पूर्ण झाली आहे की नाही आणि तुमचा आधार क्रमांक पात्र यादीत आहे की नाही. पात्र असल्यास, पुढील टप्प्यात जाल.
५. पती/वडिलांचे आधार प्रमाणीकरण: आता पती किंवा वडिलांचा आधार क्रमांक आणि Captcha Code नमूद करा. संमती दर्शवून ‘Send OTP’ वर क्लिक करा आणि मोबाईलवर आलेला OTP टाकून ‘Submit’ करा.
६. माहिती प्रमाणित करा: तुमचा जात प्रवर्ग निवडा. खालील दोन महत्त्वाच्या बाबी प्रमाणित (Declaration) करा: कुटुंबातील सदस्य शासकीय विभाग/मंडळ/उपक्रम किंवा स्थानिक संस्थेत नियमित/कायम कर्मचारी म्हणून कार्यरत नाहीत किंवा सेवानिवृत्तीनंतर निवृत्तीवेतन घेत नाहीत. कुटुंबातील केवळ १ विवाहित आणि १ अविवाहित महिला या योजनेचा लाभ घेत आहे.
७. अंतिम सबमिशन: वरील बाबी प्रमाणित करून चेक बॉक्सवर क्लिक करा आणि ‘Submit’ बटण दाबा.
यशाचा संदेश: प्रक्रिया पूर्ण झाल्यावर, “Success – तुमची e-KYC पडताळणी यशस्वीरित्या पूर्ण झाली आहे” असा संदेश तुम्हाला दिसेल.
लाभार्थ्यांनी आपला लाभ खंडित होऊ नये यासाठी हे नवीन ई-केवायसी लवकरात लवकर पूर्ण करणे आवश्यक आहे.Ladki Bahin Yojana
