राज्यात मोबाईल ॲप द्वारे होणार पशु गणना, उद्यापासून योजना होणार सुरू

     आजच्या या लेखामध्ये मोबाईल ॲपद्वारे होणार पशुगणना याविषयी माहिती पाहणार आहोत. याव वर्षीच्या पशुगणनेला उद्यापासून होणार आहे सुरुवात.

   राज्याच्या पशुसंवर्धन विभागाकडून असे कळविण्यात आले आहे 1 सप्टेंबर पासून पशु गणना करण्यात येणार आहे. यावर्षीची पशुगणना एकाच वेळी संपूर्ण राज्यांमध्ये राबवली जाणार आहे. तसेच  ही पशु गणना यावर्षी 21वी आहे. ऑनलाइन पद्धतीने यावर्षी मोबाईलच्या माध्यमातून होणारी ही पशुगणना चार महिने चालणार आहे  . पशुसंवर्धन विभागाने जय्यत तयारी केल्याची माहिती जिल्हा पशुसंवर्धन उपयुक्त डॉ. महेश शेजाळ यांनी दिलेली आहे.

   देशातील जनतेची जशी  जनगणना केली जाते, तशीच दर पाच वर्षांनी पशु गणना केली जाते. ही पशुगणाना  पशुसंवर्धन विभागाकडून दर पाच वर्षाला केली जाते . यावर्षी ही पशुगणना 1 सप्टेंबर ते 31 डिसेंबर या कालावधीत होणार आहे, ती पूर्णपणे पेपरलेस आहे. यावर्षी पहिल्यांदाच स्मार्टफोनचा वापर पशु गणनेसाठी केला जाणार आहे.