नाबार्ड पशुधन लोन योजना मराठी

    दुग्ध व्यवसायात भारत देश अग्रेसर आहे. भारत देशात दूध व्यवसाय खूप मोठ्या प्रमाणात केला जात आहे. भारतात या व्यवसायाला खूप मागणी आहे. यात बरेच शेतकरी शेती सोबत जोड धंदा म्हणून हा दुग्ध व्यवसाय करतात. या व्यवसायात वाढ व्हावी म्हणून शासनाकडून नाबार्ड पशुधन लोन योजना राबवण्यात आलेली आहे. या योजनेच्या माध्यमातून शेतकऱ्यांना आर्थिक मदत करून त्यांना त्यांच्या व्यवसायात वाढ किंवा नवीन व्यवसाय सुरू करता यावा या उद्देशाने या योजनेची अमलबजावणी करण्यात आली. आज आपण या योजनेचा उद्देश, वैशिष्ट, आवश्यक कागदपत्रे, पात्रता या सर्व घटकाची माहिती घेण्याचा प्रयत्न करणार आहोत. नाबार्ड पशुधन लोन योजना या योजनेच्या माध्यमातून कोणत्या व्यक्तिना लाभ दिल जातो. त्याच्या अटी व पात्रता काय असणार आहेत. याची सर्व माहिती आपणास देण्यात आलेली आहे.

    रोजगाराच्या संधि उपलब्ध करण्यासाठी केंद्र सरकारने नाबार्ड च्या सहाय्याने डेयरी उद्योजकता विकास विकास योजना ( DAIRY ENTREPRENEURSHIP DEVELOPMENT SCHEME )  सुरू करण्यासाठी अनुमति देलेली आहे. या योजनेमध्ये डेयरी व्यवसाय करणाऱ्या साठी विविध कर्ज देण्यात येतात. ज्या मध्ये पशुधन खरेदी , मिल्कीग मशीन , डेयरी प्रक्रिया संच, वाहतूक , शीत गृह अश्या डेयरी व्यवसाय संबंधित घटकाला कर्ज पुरवले जाते. तसेच शासनाकडून अनुदान देखील देण्यात येते.